اللي خلاني أقرر اسوي مثل هالعملية اني مو راضية عن شكل ابتسامتي لان عندي ابتسامة لثوية ,, لها حلول كثيره لكن انسب حل بالنسبة لحالتي هو الجراحة وهي قص الجزء الزايد من الفك العلوي ورفعه " maxillary impaction " ,, لانه فيه نمو عامودي زايد عن الطبيعي في عظم الفك " vertical maxillary excess "
وهذا المقطع يوضح طريقة حل المشكلة جراحيا :
وهذا المقطع يوضح طريقة حل المشكلة جراحيا :
فيه حلول للحالات البسيطة لمشكلة ظهور اللثه أثناء الابتسامه وتنعمل تحت تخدير موضعي منها على سبيل المثال:
- crown lengthening أو gingival contouring وتنعمل بالعاده اذا واضح ان الاسنان قصيرة واللثه مغطية الجزء الكبير منها فالهدف هو reshaping للثه وقص الجزء الزايد منها فراح تكون الاسنان أطول و تتحسن شكل الابتسامة.
- الحل الثاني هو hypermobile lip surgery او lip repositioning/lowering هي تنعمل للناس اللي عندهم الشفه العلوية قصيرة وترتفع كثير اثناء الابتسام والهدف منها هو ارخائها بقص اجزاء من الانسجة والعضلات تحت الشفه و جعل العضله مرتخية او مرتاحه فبعدها ماراح ترتفع كثير.
- وفيه حل بسيط اللي هو ابر البوتكس تشل حركة الشفه العلوية عشان ماترتفع لكن الشي السلبي انه مايستمر مدة طويلة لانه مؤقت.
بصراحة اختي يعطيك العافية والله يوفقك في الدنيا وفي الاخره
ردحذفانا مشكلتي مدري من ايش اعاني هل انا بالفعل من بروز الفك العلوي او من ابتسامه لثويه
يوم شفت هالموضوع حسيت ان عندي ابتسامه لثويه لكن انا اعرف اني لا استتطيع ان اغلق فمي فهل الابتسامه اللثويه تكون احد اسباب عدم استطاع الفرد من اغلاق الفم ام بروز احد الفكين......
بالنسبة لصعوبة غلق الفم ممكن يكون البروز هو احد الاسباب
ردحذفبس ممكن يجتمع اكثر من سبب
في حالتك مثلا وطبعا كلامي مو اكيد
ممكن يكون عندك قصر في الشفه العلوية او نمو عامودي زايد لعظم الفك العلوي فيصعب التقاء الشفايف براحه
اللي اقصده بالشفه القصيره واضح بالصور اللي تحت عنوان صور قبل وبعد
هي اخر صورة
كلامي ممكن ماينطبق عليك فالافضل استشارة الدكتور ويشوف الاشعه عشان يحدد المشكله
مرحبا
ردحذفشكرا ليكي على مدونتك الرائعة واتمنى اطمنينا على اخبارك
ياهلا وغلا
ردحذفالعفو و تشرفنا بوجودك
سويتي عمليتك ولا لسى ؟
ردحذفلا للأسف لسا ماسويتها :(
ردحذفوطبعا أكيد لو بأسويها راح أكتب تجربتي كاملة بالمدونة
:D
تشرفنا بطلتك
انا مع دكتور عثمان زيك و يمكن اسوي عمليتي في فبراير مررررررررررره خايفه :(
ردحذفواااو ماشاء الله,,الله ييسرها عليك و تفرحين بالنتيجه الحلوة
ردحذفدكتور عثمان مرره متمكن ماشاء الله ويسوي عمليات اكثر من مره بالاسبوع
الخوف طبيعي بس ربي بيسهلها عليك ان شاء الله
انتي مشكلتك مثلي؟
ومين دكتور البريسز؟
انا عندي قمي سمايل
ردحذفسويت تقديم للدقن قبل 3 سنين مع دكتور صالح البازعي و لما شافني الدكتور عثمان قالي دقنك مال مرره شوي و بصلحه لك لما اسوي العمليه بس هذا الي بيسويه لي
و دكتور التقويم سعد الخرسه
اهاا بس غريبه ليش بس الذقن ماسويتي العملية للفك العلوي؟
ردحذفشكلك كنتي بس تبين تحسين والنتيجه مااعجبتك صح
هههههه كنت خايفه من عملية الفك و قلت ما ابغا فك بس دقن و لما سويت الدقن مره حلو كان بس المشكله زادت القمي سمايل عندي و دكتور صالح الله يهديه ما قال لي انها راح تزيد مع عملية الدقن و الحين طاح الفاس براس و لازم اسوي الفك الي كنت خايفه منه :q
ردحذفاهاا,, توني اعرف ان القمي سمايل ممكن تزيد مع تقديم الذقن!!
ردحذفكنت متوقعه انها تزيد مع البريسز بس
عالعموم الله ييسر لك يارب ويرزقك بأحلى النتايج
بس لازم توعديني انك راح تطمنيني عليك اول ماتقومين بالسلامة
وبصراحة ودي تدخلين معنا بالقروب اذا ماعندك مانع راح يكون اسهل بالتواصل
sure will but i don't log into MSN that much lol
ردحذفloooool it's OK
ردحذفI'm looking forward to hearing from you soon
wish you the best of luck
:D
مرحبا أنا راح أسوي عملية للذقن عند دكتور عثمان؟
ردحذفكيف الدكتور وكيف العملية في حدا عملها؟ عند ميلان بالفك والذقن متقدم فحيركز على منطقة الذقن وبشيل عظمة ؟ عشان يرجع العظم إلى الخلف؟ بس ماراح يعمل شي للفك ؟
أزال أحد مشرفي المدونة هذا التعليق.
ردحذفهلا رنا اضفتك بالقروب وان شاء الله بتستفيدين اكثر,,
ردحذفبالنسبة للدكتور عثمان فهو جدا ممتاز ومتمرس بمثل هالعمليات,,
اذا الفك نفسه متقدم فأكيد راح تحتاجين عملية لارجاع الفك
واذاعالذقن فتكون عالذقن بس
اللي يحدد هو الدكتور بعد الاشعة ودراسة الحالة
موفقة
مرحبااا ..
ردحذفانا حابه استفسر
انا عندي مشكلة بالاسنان ركبت بريسز من سنه تقريبا واللثه كانت بارزه من قبل البروز خف شوي بس للان موجود .. سألت اكثر من دكتور ..
دكتور قال انو لازم تعملين عملية فك لانو الفك السفلي متأخر وانو هذا سبب بروز اللثه
ودكتور ثاني قال مايحتاج عملية انتي عندك Gummy smile بس نسوي لك رفع لثه وبتاخذ من 6 الى 8 شهور
وغير كذا عندي الام في الفك وقال لي نشوف مشكلة الفك بعد مانعالج اللثه ..
لسى مو مقرره ايش اسوي وحابه استشير اكثر من دكتور
ماادري بصراحة اذا القمي سمايل مشكلته من العظم نفسه فالافضل جراحة لرفع الفك العلوي
ردحذفوتراجع الفك السفلي برضو ماله حل غير الجراحة واحتمال وارد الالام اللي عندك بسبب هالتراجع
انصحك تستشيرين دكاترة ثقة
ارشح لك دكتور عادل الهدلق بمركز امج على شارع التخصصي
والدكتور علي الجهني بالعيادات الاستشارية على طريق الملك عبد الله
بالتوفيق
Hello
ردحذفi just had my surgery last Thursday with Dr.Othman it was a nine hours surgery ! it included the upper jaw, lower jaw and fixing my previous chin implant surgery.. it been a week now my face is still bloated and my mouth is wrapped with rubbers can't open it eat nor talk lol i stayed a whole week at the hospital and i don;t remember much thanks to the morphine :p but the first day was the worst there was alot of nausea and vomiting blood
any question don't hesitate to ask i will check the blog daily :)
wooooow congraaaatsss!!!
ردحذفI'm sooooo happy for you
How u doing now?
Do u feel dizzy n what about breathing?
Hope u get better soon
سوسو
ردحذفانا خبرت اعضاء القروب يتابعون ردودك هنا
بس لاهنتي فيه طلبين صغنووونين معليش تكتبين بالعربي عشان تعم الفائدة ^_^
وياليت لو عندك نصايح او اي معلومات تحبين تفيدين بها تذكرينها ياعسل
والف الحمد لله عالسلامه ياقمر وربي يتمم لك على خير وتنبسطين بالنتيجه
^_^
الله يبارك فيك و عقبالك انشالله
ردحذفالحمدالله الحين احسن بس زي ما قلت وجهي لسى منفخ و مزرق
التنفس الحمدالله ماكان عندي فيه مشكله بس اول يومين في المستشفى يصيرون مركبين لك حق التنفس
بالنسبه للدوخه ايه تصير في المستشفى ما كنت اقدر امشي كثير و الحين في البيت لو وقفت 10 دقايق تعبت بس اتوقع عشان الاكل لانه لسى فمي مسكر و بس عايشه على السوائل
الدكتور قالي اشرب عصير تفاح و مانجا و حليب و ملك شيك عصير البرتقال يقول لا تشربينه لانه قوي على المعده
و قالي كمان الفم راح يصير مسكر 3 اسابيع
خشمي بعد تعبني كان كله دم و دايمن يحطون لي بخار و بعدين الدكتور وصف لي قطره خشم ريحتني كثير
اكثر شي ازعجني في المستشفى ابر المغذي في كل مكان حاطين لي وحده ! و الحين كل يديني مزرقين منهم :(
و شعري طاح كثييييييييييييييير من البنج و الاكل و بس D:
الحمد لله هو اول اسبوعين طبيعي يكون متعب..
ردحذفبس احس طولتي بالمستشفى ليش جلستي اسبوع هذا طلب منك او من الدكتور؟؟
وبالنسبه لحالتك انتي قلتي قمي سمايل وتعديل ذقن ليش سووا لك الفك السفلي هالقرار من البداية ولا قالوا لك عالاخير؟؟
وبالنسبة للتكاليف ماادري اذا انتي تابعه للبزنس سنتر التوتال كم؟؟ وكيف اتفاقكم عالسعر,,
وكيف مواعيدهم,, شكلها تاجلت اكثر من مره لانك قلتي لي بتكون بفبراير؟؟؟
ماراح اسالك عن النتيجه لانو بدري هالسؤال :D
بس قالوا لك كم ملم رفع الفك العلوي وكم ملم قدم السفلي؟؟
سوري على سرد الاسئلة عارفه انك تعبانه بس خذي راحتك وجاوبي على أأل من مهلك ههههههههه
بالنسبة للتغذيه ركزي عالشوربات الغنيه بالبروتين
والخضار المهروسه وفيه حليب انشور كله فيتامينز اكيد قالك عنه دكتور عثمان
والله يعينا عالشعر و خسارة الوزن انا من الحين شعري يطيح من التفكير خخخخخخخ
الله يستر لا اصلع
موفقه ياقمر
:D
اهلن
ردحذفبالنسبه للقعده في المستشفى انا كنت طالبه لانه ما كنت اكل شي بس على المغذي و لو طلعت البيت راح ادوخ الدكتور سالني من ثالث يوم يطلعني بس الوالده عيت
الفك السفلي قالي عنه الدكتور بالاخير لانه قال افضل و يصير شكلك احلى
و بالنسبه للتكاليف اخذو مني 150000 و المواعيد الدكتور هو الي حدد لي كل شي بس يبغالك تستنين لانه مزحوم مره
مدري كم ملم رفع بس بكرا عندي موعد معى الدكتور اسالك اياه انشالله
ما تقدرين تاخدين ولا شي مهروس مافي مجال يدخل سوائل و باياله تدخل مسكره الاسنان مره مطابقهم على بعض حتى شوربه ما اتوقع اقدر لول
اوفففف 150 الف مررره كثييير
ردحذفيعني اللي اعرفه فيه مبلغ للتامين يرجعونه لك بعدين بس ماادري كم يمكن على حسب كل حاله
وانتي جلستي اسبوع اتوقع كل ليلة بالف وشوي يمكن غير الادويه
بس احس السعر مبالغ فيه هذا وانتي ماسويتي حشوات خدود وخرابيط زياده
كل بنت اقابلها مسويه عنده تكون دافعه اكثر من اللي قبلها
على حظي اجل بيدفعني نص مليون خخخخخخخخخخ
بس يلا الفلوس تروح وتجي اهم شي النتيجه اللي تستاهل بعد هالتعب هههههه
طيب سؤال اعطوك المستشفى ابرة او كيسة فيها انبوب تحطين فيه اكلك ؟؟ اسهل من انك تحاولين بملعقة
لاني ناويه اطلب من النت اذا المستشفى مايعطوني
الدكتور قالي استعمل شفاط احسن شي
ردحذفاهاا بس احسه صعب شوي ماتقدرين تلمين شفايفك عليه
ردحذفوالشفط مع الجروح احسه مؤلم
ولا تحسينه عادي ؟
اهلين سارا الحمدلله علي سلامتك
ردحذفوان شاء الله تشوفين النتائج اللي ترضيك يارب
وياليت توافينا بالاخبار اول بااول :)والتغيرات اللي تلاحظينها
ربي يوفقك
مرحبا
ردحذفتوني راجعه من الموعد معى الدكتور و الحمدالله كل شي تمام في الاشعه ولا فك لي المغاطات يقول تحتاجين 3 اسابيع و انا صاري 12 يوم الحين التنفيخ خف كثير بس لسى منفخ و مزرق من عند الخدود شوي مره
في من عند خشمي زي النفخه شوي و كنت قلقانه منها مره مو باينه هي بس احسها لمى المس طلعت مسمار متحرك من مكانه و قالي الدكتور عادي لا تخافين منها لما تخفين شوي نقدر نشيلها بتخدير موضعي الجهه الي فيها هذا المسمار حسبي الله عليه هي المنفوخه لسى ما خفت اما الجهه الثانيه خفت الحمدلله
سألت الدكتور كم شال من اللثه قالي شلت 8 ملم بس الحمدالله خشمي ما تغير ابدن فيه خيوط ماسكه لول
بالنسبه للشفاط بالاول راح يصير صعب لكن الحين الحمدلله مره سهل الدكتور يحرص على الشفاط مره عشان يبغاني الم شفايفي و اليوم قالي على حليب انشور انه اشرب منه
اممممم و بس اي اساله اسئلوني و انا اجاوب D:
اوووه الله يعينك بس مادامه بيشيله ببنج موضعي فان شاء الله انه شي سهل ومايتعب
ردحذف8 ملم كثيير يعني مثلي بس شي مطمن ان خشمك ماتغير الحمد لله
اليوم ال 13 لسى وجهي منفوخ و الفم مسكر بس مافي الم الحمدالله
ردحذفخشمي ينزل منه دم مرات بس الدكتور قال طبيعي
اليوم حسيت خشمي فتح شوي يمكن من التنفيخ
اهلين سارة
ردحذفبشريني عنك صار لك الحين 17 يوم تقريبا
كيف صحتك خف التعب ؟
وكيف التورم؟
سوري ماسالتك كيف طريقتك بتنظيف الاسنان
اول الايام اكيد المستشفى متكلفين بالتنظيف
بس بعدين لما رجعتي للبيت تستخدمين فرشة وموية وملح ولا لازم مضمضه
وكيف توصلين للاماكن البعيده بفمك وانتي ماتقدرين تفتحينه
اهلين
ردحذفالتعب الحمدالله مافي بس اول ما كنت احس بألم الحين احس بألم شوي و احس الفك شاد
الورم يخف يوم عن يوم بس لسى فيه ورم للحين
تنظيف الاسنان المستفى يعطونك زي الاسفنجه و تحطين عليها غسول فم برضو من المستشى و تفركين فيه اسنانك
الحين صارلي 3 ايام يمكن استعمل الفرشاه و المعجون عادي طبعن بس افرشي الاسنان من برا من جوا ما اقدر لانه كل شي مسكر
و صرت اشرب شوربه برضو من 3 ايام مليت من العصاير و اشتقت للاكل الصدقي :'''''''''''''(
يمكن الالام والشد شي طبيعي كردة فعل بس ان شاء الله شي بسيط وتتجاوزينه بسرعه
ردحذفماحكيتي ابدا عن شكلك وعن مدى رضاك "مبدئيا"
ممممم يمكن التعب والتورم والمسمار المتحرك اشياء مضيقه صدرك
بس عموما احكي لنا عن شعورك ندمتي او لا مثلا...
وش رايك بالدكتور وتعامله سواء دكتور التقويم او الجراح؟؟
فيه اشياء كنتي متوقعتها وحصلت ؟؟
وش اكثر شي انصدمتي منه وماتوقعتيه ابدا غير المسمار ^_^
واللي مثلنا مقبلين على العملية تشجعينا نسويها ولا لا؟؟
:)
لسى ما اقدر احكم على شكلي لانه كل يوم لي شكل
ردحذفبالنسبه للدكتور عثمان مافي زيه صراحه مره يهتم فيك قبل و بعد العمليه
و دكتور التقويم حقي هو سعد الخرسه و الحمدالله مره كويس
مافي شي انصدمت منه غير المسمار و التنفيخ الي طول
اذا كنتي مره مره مره محتاجه سويها اما اذا كان شي بسيط لا تسوين لانها صدق متعبه مره اسبوع المستشفى كان اشين اسبوع في حياتي
دكتور عثمان في اي مستشفى ؟؟
حذفمافي شي يجي بالساهل ههههههه
ردحذفنحلم بابتسامه هوليووديه وتوازن جميل لشكل الوجه فمالنا الا ندفع ضريبة هالشي خخخخخخ
الله لايضيع تعبك وان شاء الله تشوفين احلى النتايج يارب
ameeeeeeeeeeeeen thank you :*
ردحذفمرحبا حابه اسفسر عن gummy smile افضل دكتور يسويها و باي مستشفى + سعر تقريبي لها ؟
ردحذفشكرا علي المدونه :)
هلا وغلا
ردحذفافضل دكتور بصراحه ماقدر احدد مين الافضل فيه تجارب كثيره ودكاتره كويسين بهالمجال
بالنسبه لي اخترت دكتور صالح البازعي بمركز الحبيب بس لسا ماتحدد شي ولا تكلمنا بالتكاليف
وفيه بالشرقيه دكتور بدر الجندان بمستشفى بروكير بالخبر
وهنا بالرياض فيه دكتور بيشي القرني بالشميسي وغيره كثير
التكلفه للفك الواحد بحدود 35 الف وفوق
وللفكين تقريبا الدبل
اتمنى اني اكون افدتك
بالتوفيق عزيزتي
والله حابه اسويها بس خايفه جداااا
ردحذفحابه اعرف الحكم شرعا بما انك سويتيها اكيد سألتي كيف ؟؟
وحابه اسأل الألم محتمل او لا ؟
الدم اللي ينزل بالمعده مع استفراغه كيف والفم مقفل ؟؟
طمنوني
بالنسبه للحكم الشرعي فان شاء الله ان مافيها شي وتجوز
ردحذفلان العمليه هدفها حل للمشاكل النفسيه وارجاع الفكين لوضعهم الطبيعي
بالنسبه للالم بعد العمليه مافيه الم شي بسييييط مره لايذكر
اكثر شي صداع والم الحلق بس منطقة العمليه ماراح تحسين فيها
الاستفراغ شي عادي بعد العمليه وممكن يطلع من بين الاسنان لو كانت مقفله واحياانا يطلع من الخشم
بس عموما النرسز موجودات
فيه ابره للغثيان ولو حصل استفراغ بيساعدونك
بس لاتشيلين هم ان شاء الله بتتسهل
يسعد لي مساكم أو صباحكم حسب وقتكم
ردحذفأنا مشكلتي باللثه (gummy smile) وركبت تقويم على بالي انو المشكله راح تنحل بس بعدين الدكتور أشار علي أسوي العمليه الجراحيه الخاصه بـ gummy smile عند دكتور متخصص جاي من امريكا . .
والله اني خايفه مره
اعطوني آرائكم الله يجزاكم الجنه
يمه خفت كنت بسويه بس انا مااقدر اسويها في خاص وعشان كذا وشرايكم في دكتور بيشي القرني اللي في الشميسي احد جربه ؟
ردحذفأهلين، سؤال عندي /:
ردحذفlip repositioning كم يكلف؟ و مين أفضل دكتور يسويه؟
ما أفضل الجراحه تاخذ وقت طويل
و lip repositioning بسرعه يشفى و ممكن الشخص يزاول عمله من بعد العمليه على طول
مراحب صبايا
ردحذفنقاشكم شدني انا عندي مشكلة الابتسامة اللثويه
وناوية اروح اعالجها بس انصدمت انوا فيها تدخل جراحي اللي اعرفه انوا بس بجلسة وحده بالليزر يتم تعديل شكل اللثه
بصراحه خفت
أخواتي مين عمل عملية قص اللثة؟؟ وعند أي دكتور؟؟ الله يدلها عالخير ويوفقها اللي ادلني على دكتور كويس انا عملت تقويم عشان اسناني كانت مرة بارزة والحين الحمد لله راضية عن النتيجة بس مازلت أعاني من بروز اللثة لما ابتسم ودكتوري نصحني اني أسوي عملية قص اللثة لأنها بتحسن كثير من شكلي وجدت عدة دكاترة لما بحثت بجوجل: خالد حمدان - امج ومنتصر قطب - سيجال وعبدالعزيز الرشيد كورال أحد عمل عندهم قص اللثة ؟؟؟ وأحد يعرف كم تكلف؟؟
ردحذفهلا
ردحذفانا عندي عضة مفتوحة ولازم اعمل جراحة للفك العلوي
بس ابي اول شي اخذ فكرة كاملة عن العملية
فممكن اعرف الدكتور عثمان في اي مستشفى
وشكرا
الدكتور خالد الحمدان بامج كويس بس مااعرف التكلفه
ردحذفالدكتور عثمان له عياده مقابل برج المملكه
اسمها صوان
أزال المؤلف هذا التعليق.
ردحذفالسلام عليكم شكراا كثييير لصاحبة المدونة الله يجزاها الجنة عندي مشكلة ماعرف ايش هي بالضبط لحسة مخ شفتي احسها مرتفعة واسناني تطلع لمى اتكلم واذا ابتسمت شي بسيط من الللثة يطلع واسناني تطلع كلهاا هل اعاني من القمي سمايل ولا مشكلتي بروز الفك العلوي ولا المشكلة قصر الشفة احترت بصراحه"( ودكتور عثمان باي مستشفى اتمنى تفيدوني "(
ردحذفياليييييييت سارة اللي كانت تحكينا عن عمليتها ترجع الحين تكتبلنا ايش صار معاها وايش النتايج بعد سنتين
ردحذفسعد الخرسة سوري ما يخاف الله متفق مع عثمان الطويرقي .. وما يسوي العملية للفك الواحد الا بـ 80 الف ...
ردحذفانا عندي ابتسامه لثويه رحت عند دكتور قال لي تحتاجين تطويل الشفه العلويه من سوتها توجع كثير ولا لا ....متردده واهلي ما شجعوني قولو لي تجاربكم
ردحذف