بالنسبه لليوم الثالث والاخير بالمستشفى كان الخشم منسد بقوووه وبدأ يالمني مكان المغذي كان وقت أخذ الأدويه عن طريق الوريد تعذيب
وبدأت معي الام البطن والغثيان
طبعا عقدتي الأزليه هي الاستفراغ فقلت للنرس وعطتني ابره للغثيان على طول
وبالنسبة لالام البطن قالت عشان مافي أكل كله سوائل ومافي تبرز فتصير غازات الله يكرمكم تألم
فطلبت لي اختي من الروم سيرفس شاي ونعناع بس رفضوا في البدايه عشان جدولي كله اشياء بارده قلنا لهم على مسؤوليتنا راح نبرده بالثلاجه
بردت لي شاي ونعناع وكثرت السكر شوي عشان يصير حالي
والحمد لله بعد ماشربته تحسن بطني
على العصر جاء الدكتور وقال راح نطلعك اليوم وضعك ممتاز و جلستك مافيها فايدة اذا رحتي للبيت بتاخذين راحتك وتتحركين اكثر
قلت له امي تبيني اجلس اكثر :D قال لو شايف انك محتاجه تجلسين هنا خليتك شهر لو تبين
والحمد لله فعلا ماكنت محتاجه لجلسة المستشفى بديت اعتمد على نفسي بكل شي خفت الدوخه واقدر اتحرك بسهوله
قال لي كنت ناوي اقفل فمك اليوم بس باخليك ترتاحين وابيك تاكلين كويس هاليومين لان وراك رجيم قاسي :(
واعطاني موعد الاحد بمركز الحبيب
وقالي تقدرين تاخذين شاور وخلي المويه الدافيه تنزل على وجهك
الدكتور والنرسز كانوا مره مبسوطين مني لاني مؤدبة واسمع الكلام خخخخخخ
حتى وحده من النرس تقولي
you are so nice and strong patient :D
اقولها ثانكس ماتدرين اني اكسبرت بهالموضوع لازم اصير قويه هههههه
نسيت اسمها بس عليها عيون زرق اول مره بحياتي اشوفها مااسعفني وضعي اسولف معها عن عيونها خخخخخخخ
بس رهيب كل الستف حبوبين حتى جوا مجموعه كبيره من النرسز يمكن 8 يسلمون ويسألون
بس عموما جلسة المستشفى ماكانت مريحه ,, مرررره كئيب كنت اضغط على نفسي واحاول ماافكر بالوضع الحالي
أحيانا كانت تجيني ضيقة صدر من التعب وقلة النوم
بس كل يوم يمر اسهل من اللي قبله والمريض يبدا يتعود على الوضع الغريب
كنت اكره النهار احسه مره طويل واستانس اذا جا الليل لانه بيبدا يوم جديد بيكون افضل من اللي قبله
بس اكثر شي كنت انبسط منه ويفرحني سؤال أعضاء القروب عني واقطع الوقت بالسوالف معهم
فعلا حسيت بروح الاخوه كلنا يد بيد نآزر بعض ونشجع بعض
اشكركم جميعا و الله يسهل اموركم ويوفقكم
طبعا واضح ان الدفتر مكروف خخخخ اكل وهو معي وانام وهو معي ودايم القاه معفط تحت المخده والقلم ضايع ههههههه
على الساعه 5 العصر تقريبا جهزت أغراضي وخلصت أوراق الخروج ورجعت للبيت
كان جو البيت بصراحه أريح من المستشفى وأقدر اأجلس بأي مكان مو محبوسه بغرفه,, طبعا ماحبيت اخبر احد من اقاربي عن الموضوع مابي احد يحكم علي وانا مورمه فمافي احد زارني
وبالنسبه لاهلي الكل يضحك ويسولف ويلطف الأجواء بس واضح على عيونهم انهم مستغربين من شكلي خصوصا الوالده
على الليل بدأ يزيد التورم مو مثل اول يومين وتحت عيوني كدمات خفيييييفه مايله للاصفر كان اول يومين زهر على بنفسجي بس مو واضح ابد
بغرفتي طبعا ماحبيت انام عالسرير جهزت لي كنبه مريحه انام عليها لاني ابي راسي مرفوع
لسببين اولا عشان خشمي مسدود وثانيا عشان مايزيد التورم
وغير كذا مااصير مرتاحه وانا نايمه على جمب احس بضغط على وجهي
اول ليله انام فيها بالبيت كان كلها هذيان وكوابيس واتوهم بوجود حشرات بالغرفه خخخخخخ
وامي تقولي صوت تنفسك يسمعه سابع جار :P
فعلا كان نومي مقطع بسبب انسداد الخشم وكل شوي اقوم وابخ البخاخ عشان تنفتح مجاري الهوا
وبالنسبه لليوم الرابع ماكان فيه اختلاف كبير بس التورم صار جهه اكبر من الثانيه
وقت الكلام ماكان فيه شي يالمني بس شفايفي مشدوده ومع السوالف والضحك كان قمة الالم
خصوصا الشفايف العلويه بالنص اضحك وتدمع عيوني ههههههه
ليست هناك تعليقات:
إرسال تعليق