خلصت وخلعت كل أضراس العقل << a crazy girl

مرحبا ياحلوين ..

أدري راكنة المدونة بغبارها لدرجة إني نسيت الباسوورد خخخخ بس إن شاء الله أحاول أعصر مخي و أطلع كم موضوع .

حبيت أبشركم بإني رحت للدكتور صالح البازعي بمركز الحبيب عشان خلع الجهة الثانية من أضراس العقل بعد عدة مواعيد مؤجلة ^_^..

ماتلاحظون إني كل مره أتنقل من دكتور للثاني ^_^ .... كنت مضطرة عشان أخلص قبل رمضان والدكتور ناصر النوح بإجازة ..

بالمناسبة كل عام و أنتوا بخير والله يبلغنا رمضان و المسلمين أجمعين بصحة وعافية ..

كان الخلع متعب نوعا ما و أصعب من المره اللي فاتت لأن الضرس السفلي كان شبه مطمور و ملتهبة اللثة حواليه وبرضو أتوقع الدكتور اضطر يقسمه نصفين وخيط مكان الجرح بخيوط تذوب مع الوقت .

الحمد لله الدكتور صالح كان جدا ممتاز ومامريت بأي مضاعفات كبيرة مجرد بعض الألم والصداع إن شاء الله يخف بعد كم يوم.. وبالنسبة للنزيف فهو شبه وقف .. مرت حاليا 9 ساعات ولازال ملوع كبدي *_* .. لكن يعتبر طبيعي .. التجلط الدموي تكون بس يبقى بعض النزيف مع اللعاب لمدة يومين أو ثلاثة .

الى الآن خلعت 4 ضواحك و 4 أضراس عقل يعني المجموع (8) كل ماتذكرت هالرقم أحس مابقى بفمي أسنان

T_T