الموضوع هذا يمكن راح يكون أمتع موضوع بالمدونة ,, حاولت أجمع مقاطع فيديو لناس مسوين العملية بمختلف حالاتهم ,, ركزت اختياري على الناس اللي صوروا أغلب المراحل من بدايتها الى النتائج المذهلة اللي وصلوا لها ,, ماراح أحمسكم أكثر المقاطع واضحة وتحمممممممس ان الواحد يتمنى يسوي العملية اليوم قبل بكره ,,,
هذي كان عندها بروز بالفك العلوي مع قمي سمايل وتراجع بالفك السفلي وعملوا لها رفع وترجيع للعلوي مع تقديم السفلي
هذا المقطع قبل العملية
هذا بعد أسبوع من العملية
وهذا بعد 9 شهور من العملية بصراحه وااااااااااو !!! تغير جذري
-------------------------------------
الحالة الثانية هو بروز للفك السفلي مع تراجع بسيط بالفك العلوي فعملوا لها ترجيع للفك السفلي وتقديم للعلوي و أتوقع زراعه للخدين لأن بروفايل وجهها أو وجهها من جنب مبين انو فلات مافي بروز بالخدين
هذا المقطع قبل العملية
هذا اليوم الثالث بعد العملية
هذا بعد العملية بـ 9 أسابيع
وهذي النتيجة النهائية بعد ماشالت البريسز صارت تجنن *_^
-------------------------------------
الشاب اللطيف هذا كان عنده تراجع بالفك العلوي فعملوا له تقديم له بس الغريب انه مركب الانفزلاين مو بريسز عادي !!
أول مقطع يبين الفرق بين قبل وبعد العملية بـ 7 شهور,,, وااااو!! تغير 180 درجة قبل كان تراجع الفك العلوي معطيه أكبر من عمره بكثير
وهذا ثاني يوم بعد العملية
-------------------------------------
أما هذا الشخص فكان عنده ضيق وتراجع بالفك العلوي فاللي عملوه توسيع وتقديم للفك العلوي بنفس الوقت
هذا المقطع قبل العملية
وهذا بعد العملية مباشرة وماشاء الله ماكأنه مسوي عملية مو مورم خخخخخ
-------------------------------------
هذي البنت كان عندها عضة مفتوحة وتراجع بالذقن فعملوا لها رفع للفك العلوي وتقديم للذقن
هذا قبل العملية
بعد العملية بـ 4 أيام
وبعد العملية باسبوع صحيح لسا مورمة بس النتيجة واااضحة ومبين انها راح تكون رائعة
-------------------------------------
وهذا كان عنده العضة المعكوسة تراجع بالفك العلوي وبروز بالفك السفلي فعملوا له تقديم للعلوي بمقدار 6 ملم وترجيع للسفلي بمقدار 9 ملم
هذا المقطع قبل العملية
وهذا ثاني يوم بعد العملية حوالين وجهه كمادات الثلج
وهذا المقطع بعد مرور سنة من العملية فرق كبيييير اختلف وجهه وصارت ملامحه رجولية أكثر
المقاطع كانت جدا ممتعه بالنسبة لي وفيه مقاطع كثير باليوتيوب ممكن تطلعون عليها,, الكل أجمع بالرغم من التعب والتورم وصعوبة الأكل بعد العملية لكن النتيجة تستاهل وهي فعلا مثل ماشفنا انها تستاهل وبقووووووة,, ولاحظنا بعد التغير الطفيف بشكل الأنف بالنسبة لي ماأحس انه تشوه أبدا لان التغير الجذري اللي عمله تحريك الفكين أعطانا انطباع ايجابي لكل تغيرات ملامح الوجه ومن بينها الأنف ماأحس صار التركيز عليه بالعكس التركيز صار على التناسق الجميل لشكل الوجه و ماانتبهنا لعرض الانف أو لتوسع فتحاته .
تمنياتي لكم بالتوفيق وبنتائج أحلى من اللي فوق
^_^
