تجارب ممتعة

مرحبا ياحلوين وأخيرا رجعت للمدونة مرررره مغبرة خخخخخ

هالمرة حابة أختصر عليكم البحث بالنت فخطر ببالي هذا الموضوع للإطلاع .. جمعت بعض التجارب المذكورة بالمنتديات ..
التجارب مذكورة على لسان أصحابها و أنا نقلت كلامهم كامل ومن ضمنه إجابات على استفسارات موجهة لهم .. و إذا حابين تقدروا تظللوا جزء منه وتبحثوا عنه عن طريق قوقل.. و اعذروني إذا ماذكرت ايش المشكلة لأن بعضهم ماذكروا هالشي ..


نبدأ بأول تجربة ..

مع الدكتور خالد المطيري ( مستشفى الرياض الطبي -مركز طب الاسنان <الشميسي سابقا> ) :

انا سويت العمليه في 2007 سويتها بالرياض بمركز طب الاسنان(دكتور /خالد المطيري)
بس قبلها رحت لدكتور زائر اسمه احمد الدنف وطلب علي تقريبا 6 الاف دينار عالعمليه مع عمليه تجميل الانف
لان عمليه تعديل الفك العلوي راح اتكبر الخشم بعد مايرفعونه ..فقلت اسويها بالرياض احسن لي .. استخرت وسويتها
طبعا كانت اول مره اسوي عمليه بحياتي وادخل مستشفى بس نفسيتي كانت ممتازه.. العمليه تقريبا مدتها 7 ساعات وانا طولت شوي لانهم ربطوا اسناني باسيام لاني ماكنت مركبه تقويم ومشكلتي كانت بالفك العلوي يعني اسناني كانوا مرتبين وشكلهم حلو.. طبعا راح اتعانين لانج ماتقدرين تاكلين وكله سوائل وكلامج راح يكون مخربط وبعد فتره راح يكون اكلج كله اشياء لينه..
العمليه صعبه حيل وماشفت وجهي الا بعد اسبوع عشان ماتتعب نفسيتي من شكلي والورم يروح بعد 4 شهور تقريبا بس الشكل مايبين الا بعد 6شهور ..بس النتيجه وااااااااااااااااو شكلي تغير وبدون مبالغه الكل يتكلم عن جمالي وطبعا العمليه ماراح اتبين لانها بتكون من داخل الحلج يعني محد راح يلاحظ عليج تغير الا اللي يعرفونج . والحين انا شلت الشرايح الموجوده بالوجه والفك والحمدلله ..
وانا صراحه انصحج بالعمليه اذا كانت نفسيتج تعبانه .. ولازم يكون عندج اراده قويه
وبالتوفيق انشاءالله
تقريبا صار لي سنتين ونص مسويه العمليه .. ومعروف ان اللي يسوي عمليه تجميل الفك العلوي لازم يسوي عمليه تصحيح الانف لان العمليه غيرت شكل خشمي لما رفعوا الفك فوق والدكتور فضل انه يشيل شرايح المعدن المزروعه بالفك بنفس وقت العمليه وترك برغي واحد مزروع بالفك السفلي لتثبيت الفك وهالبرغي بتم معاي طول العمر.. وطبعا العمليه الثانيه اخف من العمليه الاولى بالنسبه للورم والالام .. وانا الحمدلله راضيه عن النتيجه واحمد ربي ان سهل اموري بالعمليتين ومثل ماقلتي هالعمليه من العمليات الكبيره والصعبه .. وبالنسبه للشرايح اللي ماسكه الاسنان شلتهم بعد العمليه الاولى بشهرين بس صراحه تعذبت وااااااااااااااايد وااااااااااااااااااايد لما شالوهم لي
حبيبتي سنفوره انا سويت عمليه تجميل لخشمي لان اللي يسوي عمليه تجميل الفك العلوي لااااااااازم يسوي عمليه تجميل للانف وانا قبل عمليه الفك كان خشمي حلو بس كبر بعد العمليه والحين خشمي مرسوم ماشاءالله بعد العمليه
اللي سوالي خشمي دكتور مصري اسمه مدحت واللي سوالي تجميل الفك دكتور/خالد المطيري وكلهم بمستشفى الرياض الطبي -مركز طب الاسنان
العمليتين سويتهم بنفس المستشفى وهم سوولي عملية تجميل الخشم وشالولي الشرايح بنفس العملية وتقريبا طولت 5 ساعات بغرفة العمليات وطبعا الدكتور اللي سوالي عملية الفك هو نفسه اللي شالي الشرايح والدكتور الثاني سوالي خشمي وكان تقريبا بالعمليه 4 دكاتره كلهم عارفين حالتي ومتابعيني من العمليه الاولى(صراحه أروع دكاتره تجميل الفك موجودين بهالمستشفى) صج ان احتاج اسافر مرتين بالسنه لمراجعاتي بس النتيجه تستاهل وهذي فتره وتعدي ..
وفترة سنه ونص كافيه تقدرين اتشيلين الشرايح

التجربة الثانية ..


مع الدكتور عبد الله العتل ( مستشفى المركز التخصصي الطبي ) :

قلبي سويها واتكلي على الله أنا اللي أكلمك مسويه هذي العمليه ماراح اقولك سمعت وسمعت انا بنفسي مسويتها ولما قريت موضوعك تذكرت معاناتك وكنت خاايفه حيل ..
شوفي قلبي انا كان عندي مشاكل بكل الفكين وعمليتي صعبه ومع هذا تشجعت وسويتها وكانت سهله الحمدلله بس تعبت شوي بعد العمليه بايام بس تعب بسيط مو مثل ماتوقعت سويتها بالرياض بمستشفى الرياض التخصصي الطبي (( مستشفى خااص وكبير وشوي غالي يعني العمليه بالفكين تكلف حوالي 40 الف ريال بس عمليتي صعبه )) عند الدكتور عبدالله العتل والحمدالله عدت على خير بس مو مثل ما كنت متوقعه يعني والله ماتسوى همها انا الدكتور فخمها لي وخرعني و نمت بالمستشفى بس يومين لكن بعد العمليه باسبوع سكر حلقي وربط التقويم بأسيام حديد واسناني مسكره 3 اسابيع بس عايشه على العصير والشوربه المطحونه بس انا اللي ضرني الدكتور عطاني مسكنات ومضادات قويه اكله بعد العمليه بيومين وكنت ما اقدر افتح حلقي اخاف وما اقدر افتحه من الخيوط اللي فيه وما اكل الا شوربه ونفسي منسده واكلت هذي الحبوب وتهيجت المعده عندي ونسيت الم الفك صار همي بس المعده كانت تعورني بشكل مو طبيعي وعزكم الله بس ترجيع وارجع وحالتي صعبه والجرح ما التام بسوانا اول ما حيست بالم بالمعده دقيت على الدكتور وقالي بسبة العلاج وقالي اقطعي كل الادويه ما عدا المسكن الخفيف واستكر معاي الم مفصل الفكين لشهر وكنت حتى ما اقدر اكل علاج لان حلقي مسكر بس شريت البندول السائل اوصيك فيه حق الكبار وكنت على اللع وعليه وكنت دايم معاي ثلج واحطه على مفصل الفك ويخفف عني شوي ...
وبعد العمليه بيومين انتفخ وجهي حيييل وصار يخرع بس اسبوعين وبدا يخف الانتفاخ والخشم ماعليه اذا دكتورك شاطر ماراح يتغير..
نصيحه سويها اذا انتي متأذيه من شكلك على فكره انا من الكويت بس سألنا دكتور من اقاربي قلت ابحث عن افضل دكتور عندكم ورشحلي هذا الدكتور..
وشكلي ماشالله تبارك الله تغير للأحسن ولله الحمد

التجربة الثالثة ..


مع الدكتور ناصر النوح ( مستشفى الملك خالد الجامعي ) :

اليوم الصباح طلعت من المستشفاا.. بعد ماسويت العمليه ..صبح السبت ..
اممم ودي اتذكر شي عن العملية بس ماقدرت .. اخر شي اتذكره انو اعطوني حبوب منومة بعدها ودوني غرفة العمليات وانا مغطيه وجهي
واخر اصوات سمعتها كانت للدكتور وطبيب التخدير .. كانو يدعون لي بالسلامه
اني وي العملية مافيها ذاك الالم الشديد ..بس معتبه نفسياا .. هو اول يوم اللي ماكنت قادرة اسكر فمي لانو شفتي اللي تحت ماكنت اقد اتحكم فيها نهائي .. مع النزيف طبعا
بس النزيف كان اول يوم بس..
اني وي .. اي استفسار انا موجودة
اممم عن اليوم ..خف الورم كثير . بس للحين النتايج مابانت لانو الاسنان اانحاست ولازم اصفها من جديد
والالم خف كثييرررر عن اليومين اللي فاتو .. لانو كان بالفكين مع الاذان .. فكان يدووخ ..وحتا التنميل اللي بالشفه اللي تحت ..بدا يخف
بس للحين التنظيف مره يتعبني لانو الخيوط من جوا .. وماقدر انظف الا بمضمضه ..<<كني بديت احوم كبدكم .. وللحين ولمدة سته اسابيع الى 9 .. بس اشرب سواااائل بس ..
انا مافكيت التقويم من الاساس .. لانو خطة العلاج كاانت كذا .. انو احط تقويم سنه ونص تقريبا .. بعدين اسوي عملية تقديم للفك السفلي .. بعدها اظل بالتقويم مدة 6 شهور الى 8 .. بس انا ماطلت فيهم عشان العملية .. وخليت التقويم سنتين ..
بالنسبه للعملية .. قالولي غالبا عمليات الفك السفلي .. مو صعبة مره .. ونسويها كثير وناجحه وانا ماسالت كثير . وانحاست اسناني لانو تغير مكان الفك بس مع الشد العادي والمغاطات والحوسة هذيك تتعدل ان شالله

التجربة الرابعة ..


مع الدكتور مساعد باحاذق + الدكتور صالح البازعي ( مستشفى الملك فيصل التخصصي ) :

احب اعرب اعرف عن نفسي كمريضه بمشاكل الاسنان
طبعا من صغري عندي الفك السفلي متقدم لكن بشكل غير ملحوظ بتاتا
حتى اني ماعرفت الا لما قالوا لي الاطباء وكبرت ووضح ان السفلي يطابق على
الفك العلوي ..
وايضا حوسه الاسنان وزحمتها وناب ^______^<<-- عندها فائض
المهمـ هذي قصتي يمكن الغير يستفيد منها ويجاوب على اسئلته
وان شاء الله اكون نفعت غيري ..
قبل لا ابدا انا اعالج في مستشفى الملك فيصل التخصصي بالرياض
تحت اشراف الدكتور عماد الفراء استشاري بالتقويم واعجززززززز كثير على مدحه
وفعلااااا دكتور ناااااااااجح وخطير وشهادتي مجروحه فيه بكل شيء
يخبرك عن تفاصيل اللي بيسويه وينصحك ويفهمك ويتمنى افضل النتائج لك ..
طبعا مريت على عدة اطباء من تنظيف وحشوو وغيره اللي يبي يسأل عنهم ما اتردد بالاجابه
لكن بركز على الوجه والفكين ..
رحت عدة مستشفيات لكن وربي مالقيت الراحه والامان الا بمستشفى الملك فيصل
مو اسوي اعلان عنهم لكن بالفعل في ايدي امييييييينه
وانصح نصح كبيييييييير كل من يبي يسوي شيء باسنانه لان الاسنان
اول شيء صحه الجسم والمظهر وعشان كذا لازم الواحد يكون مع واحد صح .
طبعا اول شيء بعد التنظيف والحشوو حولوني لصحة الفم لان قالوا مستحيل
نركب لك تقويم واللثه ملتهبه
<<-- واغلب المستوصفات والمستشفيات يركبونه دايركت وهو راح يضره بالمستقبل
بعد ماتشافيت الحمد الله دخلت على عيادة مشتركه
هذي العيادة فيها عدة الاطباء عدة جراحين اللي هو صالح البازعي , والدكتور باحذاق <<نسيت اسمه ^_^ + دكتور جيرمك ونسوون اجنبي + دكاتره التقويم عماد الفرا وايضا دكتور ثاني مدري شسمه لاكن معروف + دكاتره حقون الاعصاب و صحه الفم المهم مشتركه ^
يشخصوون الحاله ..
طبعا قرروا تقويم جرااحه ملززمه
وافقت بسرعه ولا ترددت ابببببببد ولو يقولن بكره العمليه سويتها لثقتي بعد الله فيهم من جد صح
طبعا
انا عندي الفك العلوي ضيق <<- اللي تسأل عن هالسؤال
وتعديت السن اللي احط الجهاز يوسعونه فملزمة اني اسويها بالعملية ..
بالبداية حطيت تقويم استمرت سنتين عشان اتهيأ لوضع العمليه المطلوبه
وفعلا الحمد الله جا وقت العمليه ^_^ كانت بشهر 2اللي فات الاجازه بين الترمين عطلت
دخلت المستشفى ..
العملية ..
كنت من احرص الناس اني اسأل وابحث بالنت حتى اليوتيوب ماقصرت فيه شفت طريقه
العمليه <<- اكيد بتقولن ياقوي قلبها لكن انا احب اكون عارفه بكل شيء ..
وماقصرت فتحت مؤتمر صحفي للدكتور ماخليت سؤال الا سألته بصغرها وكبرها
وماقصروا جاوبوا على كل شيءءءءء حتى اني ماعطيتهم فرصه يعلموني ^_^
بعد اخذ المقاسات واجراءات العمليه ..
الحمد الله سويتها وكااااااااانت ناجحه 100% . بعد الله سبحانه .
للي سواها لي دكتور جيرمنك وونس ومعاه باحذاق + البازعي معاهم مجرد شريكين
اللي بيسألني كنت خايفة والله ماخفت الا لماا دخلت غرفة العمليات ^_^
وشفت الدكاتره ابد ماصحت
طبعا بللللللللللحظة ماحسيت بالعالم وصدق الدكتور ونسون قال بلحظه تدخلين وبلحظة تطلعين
ومااراح تحسين باي شيء ..
البنج توقعته ابده بقعد ساعه على ما ادوخ واخدر ماتوقعت بهالسرعه شمه وحده على طول
تخدرت وماحسيت الابالدكتور يقومني يتحمد لي على السلامة .
العمليه استغرقت 6 ساعات وهي بالنسببة لهم رووووووتيييييييينيه على قولتهم
واقتنعت لما شفت حالات تشويييييييه بجد يرحمون حسيت اني شيء عادي .
بعد العمليه ..
نوموني بالناية المركززه فقط عشان يتأكدون من صحتي اصلن ما طولت كثير يمكن ساعتين
او ثلاث وطلعوني منها قالوا ماشاء الله سليمه ^_^
طبعا انا عارفه بالاثار الناجمه عن العمليه وشايفتها باليوتيوب ومتوقعه كل شيء بوجهي
^_^ <<-- لو انه موب حرام كان نزلته ^_^ مصوره خشتي
طبعا بعد العمليه اللي يسأل لااااااااازم الواحد يحط بباله انه متغير تغير جذري
عشان البنج وفعايله والانتفاخاااااااات اللي صايره فيه
اول ما صحيت ايش حسيت
ما حسيت بالم ولا حاجه ابدن لانه فيه بنج
غير كذ موصلين زي حاحه بالمغذي اتوقع اذا حسيت بالالم على طول
اضغط اللي بيديهم هم معطيني اياها و على طول ما احس
<-- والله اني اضغط وبس ^_^ عشان ما احس ابد خخ
المهمـ
طبعن اللي حسيته وعشان البنج الله يكرمكم زي البلغ مع الدم حسيت
كانه خانقني شوي ومتجمع بفمي ولاني قااااااااادره اطلعه طبعا هذا الشيء
عااااااادي جدا ومعروف بالاساس
هم راح يعطونيي زي الانبوبه تشفط كل اللي بفك لان بلاصل ماتحسين بشيء
ولا تقدرين تحركين حتى الله يعزكم اذا تحاولون تطلعونه من فمكم ماتقدرون عشان
كذا يعطونكم هلشفاط يشفطه كل شيء 24 ساعه عندك يعني الوضع عادي
وكل يوم عن يوم يخف كثيررررررررر
الشكل الظاهر للوجه
انتفاخ بشكل كبير العيون تصغر من سبه الانتفاخ بس الكشم يعرض برضوع عشان منتفخ
الشفايف <<-- ههههههههه حدث ولا حرج
واي شيءءءءءءء بالوجة توقعوونه بس تراه طبييييييييعي وكل يوم يخفف عن اليوم الثاني
وانا كنت شايفة هالشيء واقتنعت من قبل يعني لا يضيق صدوركم وتخافين عادي عمليه
ماهي سهله ابدن
طلعت من العنايه ماطولت فيها مثل ماقلت ورحت للغرفه والحمد الله مافي اي تقصير
طبعا الثلاث الايام الاولى ما آكل كله على المغذي حتى الحمام الله يكرمكم مايحتاج
مركبين ان ماخاب ظني يسموننه قصطره مدري قسطره ^_^ ..
الايام الثلاثه طبعا عادي تقدرين تتكلمين شوي عل حسب مقدرتك يعني لاتخافين
حاولوا انا كنت احاول واتكلم بشكل طبيعي صحيح ثقيل محد يفهم علي كثير بس
ما كنت امنع نفسي وكنت اكتب الورق اسرع ..
طبعا راح تحسين بهالايام شويات دووخه وعدم تركيز من اثار البنج والله يكرمكم ترجيع
لان لااااااازم البنج يطلع من الجسم وهذا اكثر شيء ازمني
طبعا الممرضات يعطون علاجات حق الترجيع يخفف عليك ..
وكل ساعتين يجيون يشيكون علي حراره وضغط و مدري وشو مجرد اهتمام أكثر ..
الحمد الله بديت استعيد صحتي اكثر واكثر وكل يوم يمر يكون احسن من اللي قبله بكثييير
يعني اليوم الرابع صرت اقوم وامشي هم قالو لي عشان احرك الدوره الدمويه
صرت اروح دورة المياه الله يعز الجميع وصرت استحم بروحي لكن طبعا
معك احد ينتبه لك برى لان يمكن لاقدر الله ترجعين و تكتمين على انفاسك
او تدوخين يعني احد قااااااادر ويتحمل هالوضع وفيه طبعا بالحمام زر تضغطينه
على طول تجيك الممرررررضه بسررررررعه لان صار لي هالموقف بصراحه
<<-0 ياصبر اختي علي
الوجه يخف شوي شوي وبشكل ملحوظ بعد
<<-- كنت استخدم مُره ^_^ اشمها وا امسح الوجه .. ومعطيني زي المرهم احطه
على الشفايف طبعا طالعه غامقه شوي
ايه صح شيء مهم العمليه داخليه يعني مافي اي جرووح بالوجه ولا حاااجة ظاهره
اليوم الخامس
طلبوا مني اني آآكل طبعا تقولين مستحيييييييييل اقدر اكل صعب لكن قالوا لي مستحيل
طلعين وانتي ما كلتي ..
طبعا الاكل كله سوائل مثل شوربه مرق بالخضار مهرووسه جلي<<-- ياني احبه ^_^
كريمه . عصيرات ..
نصييييييييييييييييه وهذا عن تجربه مني بغيت اموت منها اذا اول مره تاكلين بعد العمليه
لا تشربين عصير الربيع المشكل شربته من زود الحمااااااااس خلا ليلتي سودددااااااااااااا
المفروض شيء دافي وعلى جرعات ..
خذي شوربه خضار او شوربه دجاج اشربي ملعقتين واصبري خمس دقايق
عشان تهيأين المعده لان المعده لها كم يوم فاضيه صعبه تفاجئينها بسرعه
وهكذا ولا تكثرينن من اول مره ..
شوي شوي
بعدين راح يكون عادي ..
طبعا بالبدايه ماتقدرين تأكلين نفسك لانك ماتحسين بوجهك بكبره راح تحوسين كثير
احد يأكلك بلملعقه وشيء عادي لو تصبصب مني والا مناك اصلن ابلعي ^^
لان ماتقدرين تحركين الفك بيصعب عليك ..
واحب اخبر مااااااااااافي الم ولا حااااااااجة مجرد انتفاااااااااخ طبيعي وبيزول
اليوم السابع والاخير بالمستشفى بس اسبوع جلست ..
الحمد الله قدرت اءاكل نفسي لكن احط زي الصحن تحت دقني لو تكبكب اي شيء
الشيءءءءء اللي ازمنيييييييي مرررررررررره واغتثيت منه هذا اللي يسمى اللعاب ^_^
مرررررره تأزمت معاه بشكل موطبيعي ما كنت اقدر انوم مرره ..
على طاري النومة نصيحة وقريتها من النت بعد وجربتها ماتنامين على ظهر
بشكل متساوي لا خليك زي الجالسه وارجعي شوي بشكل مريح عشان ماتحسين
ان اللعاب يرجع على فمك يدخل وتحسين براحة كثير بالنوم
عشان البنج يدوخ فبتنامين كثير وتصحين يعني شويات فيها ارهاق
نرجع للعاب اللي يصبب مررره بشكل كبيرررررررررر وما تحسين فيه لان الوجه مبنج
فالتعب فيه ان لازم تمسكينن منديل 24 ساعه على فمك وتستخدمين الشفاط بعد ..
من كثر ماتعبت امسكه خذت هذي الكمامات وحشيتها منديل وربطتها على فمي ^_^
اسويها لا تعبت امسك بس يبغالك كل شوي تغيير ..
برضو عند النوم كنت احط منشفه على صدري من كثررر اللعاب مره قمت لقيت نفسي
غرقانه انا اخبركم عشان ما يدخلكم براد ^_^ ..
هذي تأزمت معاها مجرد يومين وبعدها مررررررره يخف وكل يوم يخف اكثرر
تقريبا لو قلنا مجرد خمس ايام وينتهي المشكله ..
برضوا حاجه نسيتها يمكن لما تعطسين يطلع قطع دم هذا شيء طبيعي وعادي
ومايأثرر ومو كثير تصيررر ...
وبرضو عادي لاشفتي شعرك شوي خف وطاح لان البنج يأثر فيه لكن يرجع مره ثانيه
اهممممممم حاجة نفسيتك لا تتعب بعد العملية يعني لا تحكمين على شكلك على
طول سبحان الله كل يوم يتغييير
((((( فيه نقطه نسيت اجاوبها للأخت اللي فكها العلوي صغير ))
وقالوا لها ان بيوسعونه ..
الطريقة اللي قالوها لك نفسي اللي صلحوها لي وهي من الوسط يقصونه بالنص
ويوسعونه يعني بالوسط راح يصير فلجه كبيره ^__^ عاادي لا تستغربين من اول مغاطات
يحطها لك الجراح تبدا تتقفل ومع الشد تتقفل مو مره بس تصغر انا ماقفلها لي حق التقويم
الا بعد شهرين لان قال العظم يبيه يلتم صح لو انه ما التم صح يمكن يسبب بعدين مشاكل
فمانصحني بتسكيره على طول وسمعت كلامها وصرت اقفل الفتحه لا رحت العزايم بالشمع
<<---- وحده فاضيه
ترى مولدرجه تشويه بس كذا ما كنت احب الفلجة ..
برضوو في شيء لازم تعرفونه شكل الاسنان راح تتغيرر مره اول كانت مرتبه هالمره يمكن تشوفونها
حوسه شوي خاصه اللي فكها بيوسعونه يعني تكون شوي بارزه وهذا شيء طبيعي
مجرد شد اول مره بيرجع زي اول وافضل ..
طبعا الجامعات بدت لكن انا اخذت الاسبوع لاجازه مع اسبوعين اضافيين من الجامعه
وبعدها داومت عادي صحيح شوي بالأكل يصعب علي لازم لين بس عادي ^_^
كنت اخذ ساندوشت واقطعها صغار واشرب وراها حليب والاشاهي تلينها لي
وفي شيء مهم وهذا على حسب ايرادتك وقوتك اذا انتي تبين تاكلين بسرعه لا
تخافين كلي وحاولي وجربي ولا تقولين يمكن يصير لي شيء والا صعب لا اهم شيء
ابتعدي عن الاكلات الصعبه واقاسيه واللي شيء بس يبغاله مضع حاولي شوي شوي
الشكل الظاهري هل يتغير والا لا ..
طبعا راح يتغير يمكن مو جذري لكن في تغييير ..
اكثر شيء بتلاحظين الفك السفلي بيصغر يعني رسمه الوجه راح تختلف
انا رسمه وجهي طويل كان الحين صار شبه دايري
لكن ماشيني ابدن ..
الخشم اكذب ان ماقلت ماعر عرض بشكل بسيط شوي تغير عن الاول
العيون طبعا ترجع زي اول
وراح يطلع لك خدووود يالله بدون كولاجين ولاسيلكون ^_^ ..
رسمه الشفايف طبعاً شيء معروف مع القويم راح يتغير لما ينفك لكن يصغر شويه
كمظهر بشكل عام تغير شكلي توقعي تجلسين 3 شهور وانتي في تغيرر
انا عن نفسي ما احس تغيرت مرره لكن اللي حولي قالوا بالعكس مره تغيرت
واحلويت نيو لوك خخخ .
نجي للبنج اللي بالوجه طبعا لازم يعلمك الدكتور قبل العمليه من اثار العمليه
ماتحسين بشفايفك يمكن شهر شهرين يختلف من شخص لاخر ونسبه قلللللللللللييييه
مررررررررره ماترجع هالحاسيه بقوه مثل اول
طبعا البنج بالوجه شوي طول يمكك اخذ مني 3 شهور على ماراح تحت العين والخد والخشم
طيعا قصدي بالبنج مو الانتفاخ لا ماده البنج الاحساس الداخلي الانتفاخ يخف بسرررعه
وعادي تقدرين تقوين و تطلعين .
ايش اقصد بالاحساس لان سبحان الله البنج قريت عنه يطلع مع المخارج المفتوحه
مثل الانف والفم فكلما يخف من عند الخدود تحسين شوي ثقل عن الانف والفم
يعني كنت اكثر شيء احس بثقل عند الفم بشكل دائري وهذا برضو طبيعي جداااااا
............
في شيء نسيت اقوله بعد العمليه راح يعطونك ثلج او يلفون عليك ثلج عشان مايزرق
الوجه ويخففه وهذا عادي وانتبهي له واستخدميه لاتفرطين فيه
بعد العمليه يوم طلعت بالبيت استخدمت كمادات حاره شريت كماده صغيره وصرت اعبيها
بمويه حاره واكمد وجهي كله ختى الشفايف ترررررررررررررىىىى مرررررررررره يخفف
انتفاااااااااااخ الوجه بشكل ملحوووووووووووظ استمرووا عليه ..
بعد ماتطلعين من المستشفى راح يعطونك مرهم للشفايف
ومضاد حيوي مجرد اسبوع واحد وغسول للفم و شيء زي الاسفنج عيدان تنظفين فيه
الفم والاسنان ..
ايه صح بعض المريضين بعد العمليه يحتاجون يحطون لهم مغاطات تسكر الفم والبعض
مايحتاج على حسب الحاله انا حطوا لي بعد ماطلعت افكه عند الاكل بس ..
طبعا المواعيد اسبوع ورا اسبوع بعدها تبعد لاسبوعين يتابعون حالتك ..
ايه برضووا انتبهووا ترى راح تفقدين وزززززززززززنك لانك ماتاكلين ولا تشربين الاسوائل
عشان كذا تغذي زيييييييييييييييييييييييي يين وكلي اي شيء بس اطحنيه
اهتمي بالحليب والحلبه ^_^ عيشوا عيشت الانفاااااااس ترى اهم شيء الصحة
مو تقولون احسن بخفف وزني لا انتي فاقده كثير من الدم وطالعه من عمليه عشان
كذا عوي جسمك بالعصيرات الطازجه وعليكم بالجلي ترى فايدته كثييرررررره ومهم للقلب
لانه يسيل الدم بالجسم ..
بالنهايه ..
كانت تجربه او اكبر قرااااااااار اتخذته بحياتي اني اجازف بعمليه جراحية بالوجه
لكن الحمد الله قرار سليم وايجابي والحين لي 7 شهور ما اشتكيت بشيء
ولا اي خلل صار لا بالنطق ولا باي حاجة ومبسوطه على العمليه والنتيجة اللي شفتها

التجربة الخامسة ..


مع الدكتور عثمان الطويرقي ( مدينة الملك عبد العزيز الطبية <الحرس الوطني> ) :

انا لي مسويتها 3 شهور واسبوع سويتها للفك العلوي كان متقدم ونازل
سويتها بالحرس الوطني عند الدكتور عثمان الطويرقي في الرياض
وصدق هذي العملية تتعب نفسيا يعني انا حسيت نفسي عادي اقدر اسوي اي شي ابية من بعد اسبوعين من العملية بس ما كان مقلقني الا الورام وشكل خشمي لأنه كبر كثير عن اول, اول كان خشمي من النوع النحيف وفيه حنية راحت الحنية وسار مرررة كبير خفففت مرة في البداية خاصة اني قريت انها تغير الخشم بس ما توقعت الى هذي الدرجة والحين الحمدالله مع الوقت مرررة زان خشمي صح ما رجع زي اول بس كل اسبوع احسن من الثاني والحن الحمدالله يعني الي يشوفه يقول نحيف وواقف
العمليه جد يبيلها صبرر فقط من الناحية النفسية بس الجسدية الحمدالله ما كان فية شي يسوا باستثناء ايام المستشفى هذي الايام حسيت نفسي شفت الموت (اول 3 ايام) بس بعد اليوم السادس بدى يرجع نشاطي
اهلا انا الحين مسوية عملية الفك من 3 شهورواسبوعين ما يكفي وجهك يسير طبيعي ابدا وترا يفرق الي بيسوي للفك الي تحت يكون الورم اخف شوي من الي سوا للفك العلوي
انا مسوية للفك العلوي ما بديت احس نفسي خلاص ارجع طبيعه(تقريبا) الي هذا الشهر يعني بعد ما انتى الشهر الثاني والى الان احس فيه ورم حولين خشمي بس مو واضح يعني ما يحس فيه الا انا
وترا ما خلوني اكل الا بعد مرور شهر من العملية (يربطون سنونك بمطاطات )
العمليه مو سهله واتمنى تكون نتائجها ع قدها
وع انتفاخ المنطقة الي بين الشفة والخشم انا لي 3 شهور والى الان منتفخة بس الحمدالله قاعده تخف بس ترا ما يسير شكلها زي شكل بروز الفك قبل العملية يسير اكبر شوي
وانا راح اثر البنج بعد اسبوعين
وع البنج يعني ع حسب شطارة المستشفى في البننج يسير يختلف احساسك فيه بعد فترة وغالبا اذا كان البنج زين ما ترجعين بعد العملية معنك راح تحسين بغثيان وهذا شي طبيعي
وع النتائج كان وجهي من النوع الطويل مرة قصر طلعلتي خدود وتسيرين كنك من الناس الي عندهم عظمة خد < فهمتو ؟
الخشم راح يصغر بس ينفرش ع حسب الملمترات الي راح يرعها الفك انا رجع2ونص مل فعشان كذا ما انفرش خشمي كثير
والابتسامة طبعا تسير احلا كثير
تغير الخشم يعتمد ع قد ايش تحرك الفك العلوي كلما كانت الممترات اكثر كلما انفرش خشمك اكثر
بس طبعا مع الورم يسير شكله مرررة شين وكل ما خف الورم زان شكلك
انا ما اقدر احكم ع الشكل النهائي لخشمي لأني ما خلصت الستة شهور بس ع اني 3 شهور موب طالع خشمي شين ابد
بس انو لسا مو زي اول
انا عقب شهر كان جداا خاف الورم بس كان لسا فيه يعني مو زي حجمة يوم كنت بالمستشفى لا اخف بكثييير بس لسا يكون شكلك منفخ
احسن شي عقب 3 شهور حسيت بدا يبان شكلي ورسمة وجهي وكذا .. انا الحين اذا شافوني الناس يقولون وين الورم يعني ما يبان للناس بس انتي تحسين فيه
ولى يومك هذا يوم احس وجهي يوم نافخ ويوم يسير مرة حلو بس مهما نفخ ما يسير زي اول شهر او حتى ثاني شهر
بس اقولك مشكلة هذي العملية قد ما تنجح مع احد عند نفس الدكتور ممكن مع شخص ثاني ما تكون نفس النتايج .. فلاااازم تستخيير وتفكر
العملية متعبة نفسيا واذا هي حساسة بتتعبها ..انا نفسيتي قعدت تعبانه وثقتي مهزوزة تقريبا الى الشهر الخامس .. بديت ارضى من السادس والحين الحمدالله الشكل قاعد يتحسن بشكل ملحوظ(كملت تقريبا 9 شهور) .. ( انا احس اني من الناس الي طول الورم فيهم)
العملية اكرر موب سهلة بس نتايجها رااائعة ونتايجها عشان تبان مرة تطول .. يعني مو زي عملية تجميل الخشم لا تطول اضعاف اضعاف الوقت .. تحتاااج صبر
واذا كانت لثتها باينه الى هذي الدرجة خليها تتوقع انه خشمها راح يتغير بدرجة كبييرة .. انا لثتي كانت واظحة بس بمقدار معقول موب مرة كبير كانت المشكلة الكبيرة فيني تقدم الفك ومع ذالك شوي تغير الخشم عندي .. فكيف اذا كانت اختك باين من لثتها بالدرجة هذي
بس الاهم قبل ما تروح للدكتور تتأكد هل الدكتور كفء او لا .. لأانها مسأله تغير شكل مدى الحياة
بس الحمدالله عدت ع خير اذكر جاني غثيان واستفرغت شي بسيييييييييط مررة زي الموية لأن بطني كان فاظي
و لا ما استفرغت دم واصلا ممرضة تسير ورا راسك طووول الوقت اول الايام حتا وانتي نايمة كانو يخافون اختنق او شي لأن خشمي كان معبى دم جاف وكل شوي ينظفونه لي
اول الايام الي هي كانت في المستشفى كانت اصصصعب شي بعدين خلاص مررة يسهل الوضع
ولا تهملين صحتك اببد في الشهر الاول الي تكونين فيه مسكر فمك مثلا اشربي شربة عدس لأن فيها بروتين وكان يقولي الدكتور اقل شي 6 كاسات عصير في اليوم واحسن شي نصحني عليه الدكتور كان شراب تشترينه من الصيدلية اسمه انشور فييه الفتمينات الي يحتاجها الجسم احسة اكثر شي حافظ ع صحتي الحمدالله لأن لو اهملتي بيطيح شعرك ممكن يجيك فقر دم ويسيرلك بلاوي شهر بدون اكل شي موب سهل فحاولي تجمعين كل انواع الفتمينات

التجربة السادسة ..


مع الدكتور زهير حيدر + د. ناصر النوح ( مستشفى المملكة ) :

بسم الله الرحمن الرحيم

السلام عليكم ورحمة الله وبركاته .............وبعد

قبل سنه بالضبط من الآن قررت إني أعمل جراحه للفك السفلي وسبب الجراحه هو أن الفك كان متقدم جدا للأمام والتقدم كان واضح أكثر مع الجنب وبنفس الوقت كان مايل قليلا

إستخرت الله ثم إستشرت أكثر من جراح وجه وفكين أمثال ( صالح البازعي في الحبيب - زهير حيدر في صفد - ناصر النوح - سيجال )

وكلهم أجمعوا أني محتاج لهالعمليه توكلت على الله وإخترت الدكتور زهير حيدر
طبعا رحتله أخذلي أشعه للوجه ووجهني لدكتور التقويم الي عندهم بنفس المركز عشان يعمل لك التقويم الجراحي ,,,, رحت للدكتور وقالي قبل لا ابدأ في التقويم الجراحي لازم تروح لدكتور الأسنان يسويلك تنظيف سوس وحشوات الى آخره .

خلصت مع دكتور الأسنان في ثلاث أيام ورجعت لدكتور التقويم ركبلي التقويم على مرحلتين الي فوق في اسبوع والي تحت في اسبوع وقالي كل شهر تجيني الى أن اقولك انت جاهز للجراحه

مرت الأيام والأشهر وبفضل الله بعد الشهر التاسع رحت لدكتور التقويم وقالي باخذلك قياسات وإنشالله تكون جاهز .
بعد أربع أيام إتصل علي الدكتور وقالي إنت جاهز الآن وتقدر تروح للجراح وتتفق معه على العمليه .
رجعت للدكتور زهير حيدر وقلتله أبشرك جهزت قالي خلاص بحددلك موعد للعمليه وأعطيك تاريخها لأن الدكتور زهير يسوي العمليه في مستشفى المملكه فلازم يحجز عندهم بالأول

بعد إسبوع إتصل علي وقال عمليتك في 20 /5/2010

قبل العمليه بيومين عطاني خطاب لمستشفى المملكه وكان موعد عند دكتور التخدير .
رحت للمستشفى ودخلت عن دكتور التخدير وجلس يسألني أسئله ( سويت عمليات قبل كذا؟ -عندك مشاكل صحيه؟ - تدخن؟ ....الخ ) وقالي ترى دكتورك من أفضل الجراحين بالمملكه كلها لا تشيل هم تعال يوم العمليه الصبح ولازم تكون صايم من الساعه 12 ليلا وبالفعل الدكتور زهير برفيسور وكان دكتور في جامعة الملك سعود

جيت يوم العمليه من الساعه 6 محضر عندهم موااااااااااااصل مانمت من الخوف تخبرون بيكسرون فكي شي مو سهل عطيت السستر ورقة العمليه عطتني غرفه وقميص العمليه وجتني تقيس الظغط وللأسف كان توو متش مرتفع عطوني حبوب مهدئه وصرت أضحك كان معي الوالده وأخوي الأكبر
يوم شافوني أضحك قالوا وش فيك استخفيت

شوي والأ الدكتور داخل علينا طمني وقالي إنشالله كل شي تمام لا تخاف طبعا انا ملم بكل شي بخصوص هالعمليه من قبل ما أخطي هالخطوه

شوي جابولي سرير صغير قالولي إطلع عليه بنوديك العمليات طلعت معهم ولما شفت باب العمليات ينفتح قررت أنحاش وأشوى اني ما سويتها دخلت الغرفه والقى دكتور التخدير ومعاه ممرضين وممرضات ركبولي المغذي ودخلوني على الغرفه الي بسوي فيها الجراحه لأن قسم العمليات عندهم أكثر من غرفه

آه ياغرفة العمليات يافيها رهبه غريبه عجيبه لو معطينك الف مهدئ لازم تحس برهبتها

المهم قربوا السرير الي انا عليه لسرير العمليات وقالولي انطح فالك , طلعت على السرير وعدلولي وضعية الإنبطاح هههههه , وبدت مرحلة التخدير الي كان عن طريق الشم وليس إبره , كنت كل ما أشم أكثر أحس عروقي تيبس وأسمع الي حولي يتكلموا ( خلاص باقي دقيقتين وتنام بدك تقول شي وأنا ماني بمعهم وصلت مرحلة الخدار) شوي وأسمع الي يصحيني ويضربي على صدري ويقول الحمدلله على السلامه صحصح يانوام صحصح ياكسلان وأنا أفتح عيوني شوي شوي وأشوف عالم الي ينظف وجهي بقطنه والي يضحك بوجهي والدكتور يقولي تحس بشي

طبعا المكان غريب بعدين عرفت إنه العنايه المركزه حطوني فيها لمدة 4 ساعات وودوني على غرفتي والقى الوالده الله يخليها دموع اربع اربع واخوي يهدي

أول ما دخلت الغرفه طاح فيني النوم الى أن سمعت الوالده تناديني انت بخير ياوليدي يالبى قلوبهم ووين نطلع من جزاهم أثر المخده كلها دم ونادي السساتر وقالو عادي غيرولي المخده وركبولي قصطره عشان ما أقدر أروح الحمام وإنتوا بكرامه طبعا مافيه أكل ولا شرب لمدة يوم كامل بس مغذي اليوم الثاني صاروا يجيبولي اشياء خفيفه مررررررررره عصير تفاح الربيع جلي مويه شاي وعلى هالحال لمدة يومين وكان الدكتور يجيني يوميا . اليوم الثالث جاني الدكتور وقفل ثمي بمطاطات عشان التطابق وقالي عاد الله الله بالأكل الزين يقصد الشوربات والعصيرات الزينه مثل شوربات العدس واللحم


طلعت للبيت وجلست على هالحال لمدة ثلاث اسابيع وكان اول اسبوعين صعبات بالنسبه لي وخاصة في النوم ما أنام غير 4 ساعات وأصحى من الألم ( الم في الأسنان فقط وليس في الفك ) مرت الأيام والحمد لله تحسنت وكنت كل يوم اراجع الدكتور بعيادته عشان التنظيف ويشيك على المطاطات والجرح

والحين أنا تغيرت نفسيا وجسديا لأن تعدل وجهي وأسناني صارت تتطابق و نحفت وهذي ميزه ثانيه من مزايا هالعمليه تنحفك 8 كيلوا ماتاكل غير سوائل فقط

حبيت أنقلكم تجربتي الي أعتبرها نقطة تحول في حياتي كنت إنسان بأسنان وفك متقدم ومايل وأصبحت شخص ثاني بشهادة الكل كلهم قالوا تغيرت 180 درجه

أتمنى ان الكل يستفيد من هالتجربه وأي سؤال أنا حاضر

أخيرا ...ليس أخرا
لا يسعني الا أن أحمد الله حمدا كثيرا طيبا كما يليق بجلاله وكريم سلطانه

التقويم ب 10000 والجراحه ب30000 بالنسبه للتقويم يختلف من دكتور لأخر



حياكي اختي
المستشفى هو مستشفى المملكه مستشفى الوليد بن طلال في الرياض
وبالنسبه للجراحه ما سووها الا لما اخذولي مقاسات للفكين وتأكدوا انها تتطابق وترى مدة التقويم تختلف من شخص لآخر انا جلست سنه ولله الحمد
أنصحك تروحي للدكتور زهير حيدر بعيادة صفد والدكتور ناصر النوح بسيجال والدكتور صالح البازعي بالحبيب أشوفهم أفضل الموجودين بهالجراحه

بخصوص الأكل ابشرك اللحين آكل عادي بإستثناء المكسرات وانا صارلي من سويت الجراحه 3 اشهر

الجراحه مالها اثر خارجي كل شي داخلي ومكانها بنفس الفك من الداخل
بالنسبه للنوم عادي على الجنب الي يريحك لا تشيلي همه
وزني نزل 10 كيلوا بالظبط

أخيرا انصحك وبقوه تسوين هالجراحه اذا بالفعل محتاجها تراها تغير للأفضل
الله يسلمك يالغاليه ويبارك فيكي
وبالفعل النتايج تهون التعب

التقويم مافكيته للحين لأن الطريقه المتبعه تقويم بعدين جراحه وبعدين تكملي التقويم لمدة 6 أشهر
سويت العمليه قبل ثلاث اشهر وعمري 26
اختي الغاليه مو لها الدرجه هههههههههه أوما مدى الحياه ما اكل
لا تشيلي هم العمليه والله سهاله حدك ثلاث اشهر وترجعي تاكلي عادي وبعد الجراحه تاكلي شوربات والله النتيجه للأفضل وتستحق التعب في البدايه منفخ وجهك لكن يفش تدريجي الى ان يرجع طبيعي
شوفي إختي بالنسبه للأكل انا جلست على الشوربات والعصيرات لمدة شهرين ونص لأن جراحتي كانت فقط في المنطقه السفليه (الفك السفلي مع الدقن ) لو كانت في الفكين العلوي والسفلي ممكن تجلسي على الشوربات والعصيرات فتره اطول لأن واحد من اصحابي سواها للفكين وجلس 4 اشهر وعلى فكره ما كنت محروم لأن الشوربات كانت ثقيله يعني تشبع
أما انا ولله الحمد والمنه لي ثلاث اشهر وآكل طبيعي الحين مثل ( رز - مكرونه -قرصان - كيك -الحلويات المنزليه بأنواعها ) يعني ماني محروم ابد
الكتور قالي حاول تاكل ساندوتشات ودجاج بس انا اذا ضغطت على القاسي احس بألم بسيط في الأسنان هي ترجع تدريجيا وانا ما تفرق معي دام اسناني وفكي رجعت للوضع الطبيعي
الطقطقه ايه نعم كانت موجوده في البدايه بشكل بسيط لمدة شهر وهذا امر طبيعي والحين كل شي تمام (اللهم لك الحمد والشكر)
الحين اقدر افتح فمي على الآخر حسيت اني وحش هههههههههههه لكن اول صعب
الجراحه هذي كل شي فيها بالتدريج يرجع لوضعه (الأكل -قتح الفم - الإحساس بالشفه ومنطقة الدقن- الإنتفاخات )
والمطاطات شالوها استمرت شهر ونص
بالنسبه للتقويم بعد الجراحه يتعاملون معه طبيعي يعني مثل قبل الجراحه مجرد تروحيلهم شهريا يشدون عليه
انا ماعرضوا الفكين لأن ماكنت محتاج بس عدلوا الأسنان خلوها صفه وحده وأصلا ما يسوولك العمليه الا بالتقويم وياخذولك قياسات للفكين بالمعجون الطبي عشان يشوفوا التطابق
أنا مجرد رجعولي الفك السفلي مع الدقن لأنه كان متقدم ومايل جهة اليسار
أكيد تقدري تقابلي الناس بالتقويم لأنه عادي مثل اي شخص مركب التقويم لكن بعد العمليه صعبه عشان الإنتفاخات تفش تدريجيا
بالنسبه للضمان الدكتور
الضمان عند الله سبحانه وتعالى ما حد يضمن عمره وهو متعافي
لكن الواحد ياخذ بالأسباب
دكتوري من اشطر الدكاتره بالسعوديه كلها وسوي بحث بقوقل عنه وبتشوفي اسمه زهير حيدر وعلى فكره دكتور زهير كان سابقا دكتور بجامعة الملك سعود واغلب جراحين الفكين درسهم وميزته في العمليه يدخل معاه الدكتور ناصر النوح الي بسيجال اثنينهم سوولي الجراحه وكل واحد اشطر من الثاني
بالنسبه للدكتور التقويم سويت تقويمي بنفس العياده الي يشتغل فيها الجراح زهير وهي عيادة صفد واسم الدكتور فراس وأنا انصحك تسوي التقويم عند الدكتور الأدريسي بسيجال اشوفه اشطر من فراس من تجارب ناس كثير
النتيجه بالنسبه لي رووووووووووووووووووووعه واكثر من الروعه والفضل يرجع لله عز وجل لأن انا كان عندي بروز ورجع طبيعي يعني شكل الفم والدقن والوجه رجع طبيعي

--------------------------------

التجربة السابعة ..

مع الدكتور علي الجهني + الدكتور عثمان الطويرقي ( مركز التخصصي الطبي ) :

 

‫

 

بسم الله الرحمن الرحيم، والصلاة والسلام على أشرف الأنبياء والمرسلين نبينا محمد وعلى آله وصحبه أجمعين

اعرض لكم تجربتي منذ لحظة تركيب التقويم وإلى هذه اللحظة ما بعد الجراحة  

د.علي الجهني (المُعالج بتقويم الأسنان) 

د. عثمان الطويرقي ( مُجري العملية الجراحية)

في البداية كانت لدي مشكلة وكنت حقيقة أُعاني منها منذ الصغر وكلما تقدمت في العمر كلما أدركت وأيقنت أن هذه فعلاً مشكلة تستوجب التدخل والعلاج، ذهبت لأكثر من طبيب تقويم أولهم كان الدكتور عادل الهدلق وآخرهم الدكتور بخاري أغلبهم الله يحفظهم شخّصوا الحالة بأنها تحتاج الآتي:- 

1-خلع عدد من الأضراس.

2-تقويم مدة سنة قبل الجراحة.

3-جراحة.

4-تقويم سبعة أشهر بعد الجراحة.

في الحقيقة ولا أخفيكم اقتنعت بهذا التشخيص واعتبرته صحيحاً وسليماً كونه من أطباء تقويم شهيرين ومتميزين،

فكرت كثيراً أين أجد حلاً بدون تدخل جراحي، استعنت بأحد منتديات طب الأسنان ونصحني أحد الأعضاء جزاه الله ألف خير بالذهاب إلى الدكتور علي الجهني وقال أن ذلك الطبيب هو الوحيد الذي يُعالج العضات المفتوحة كبيرة كانت أم متوسطة أم صغيرة ويسعى بكامل جهده وطاقته في إغلاقها حتى لو تطلب الأمر سنتين أو سنتين ونصف مستخدماً في ذلك تقنيات عديدة وجديدة تُطبق في أميركا وبريطانيا منذ 8 سنوات، جئت للدكتور علي الجهني فوراً (أسأل الله العلي القدير أن يوفقه اينما كان وأطلب من أخي القارئ وأختي القارئة أن لا ينسوه من دعوة طيبة)، بعد رؤيته للحالة قال لي الله يحييك يا أخي والحقيقة العضة المفتوحة لديك هي متوسطة وسيتطلب ذلك جهداً كبيراً كونك تبلغ من العمر 24 عام، قال لي إعمل بعض الأمور المهمة وعاود مجيئك إلي لكي أبدأ بتركيب التقويم، ذهبت إلى عدة أطباء منهم من خلع ضرسيّ العقل ومنهم من عمل عدة حشوات ومنهم من عمل التنظيف وبعدها عدت إلى الدكتور علي، فاتفقنا بأن نبدأ الخطة وهي سنتين بدون جراحة (والنتيجة هي تطابق الأسنان) وهذا هو هدفي المأمول، بدأ بتركيب التقويم لكلا الفكين وتم وضع مسمارين (كل مسمار يكون موقعه أعلى آخر ضرس في الفك العلوي) تم غرزهما وإدخالهما في الفكين ووضع مطاط من نوع قوي في المسمار وسحبه وتعليقه على قاعدة التقويم التي على الضرس بكلا الجهتين العلويتين، وهذه هي التقنية الحديثة التي يستخدمها هذا الطبيب، بعد سنتين فعلاً حصل التطابق وانبهرت بهذه النتيجة وانبهر الأصدقاء كيف لهذا الطبيب إغلاق فتحة أمامية بهذه السهولة. فـ لله الحمد والشكر وتقدمت بخالص الشكر والتقدير لهذا الرجل المُخلص والبشوش، لم أقول للدكتور عن موضوع إزالة التقويم كونه منتهياً، لا بل حينها جاءت فكرة تراودني لماذا حينما أبتسم لا تظهر أسناني الأمامية العلوية كاملة والشفاة العلوية راجعة للوراء ونازلة للأسفل  مع أن ذلك غير ملاحظ من أنظار الناس من حولي بدرجة كبيرة، وأنا مقتنع أن عمل الدكتور علي كان هدفه إغلاق العضة المفتوحة وقد تحقق الهدف فمن الطبيعي جداً أن يكون على إثر هذا العمل المشق تراجع في الفك العلوي إلى الوراء ونزول الشفاة العلوية، فقررت العودة للطبيب علي وإبداء فكرة الجراحة التجميلية للفك العلوي، تعجب وقال من شخَّص لك الحالة وقال لك ذلك، قلت أنا والله من لاحظ ذلك وفكر بعمل الجراحة، قال لي الشكل غير ملاحظ وانا ما انصحك تعملها، جزاه الله خير الحقيقة ولكن أصريت عليه بأن الفك العلوي لابد أن يقدم تقريباً 2 مل ويتم إنزاله عدد من الملمترات، قال أي أمر ترغبه قوله لي وأنا معك قلت له أعطني فترة قصيرة كي ابحث وأسأل، عدت له بعد أسبوع وبعد بحث عميق ومفصل ومتعب، قررت أذهب للطبيب صالح البازعي، ذهبت له ونظر إلى حالتي ولم تكن إجابته شافية وصعَّب الأمر وقال التقويم عندك انتهى عمله لا أستطيع عمل الجراحة، خرجت وبحثت عن الطبيب عثمان الطويرقي وبالفعل جئت إليه أول زيارة ولم تكن بالمستوى المأمول لم يعطيني إجابات مريحة، عدت إلى الدكتور علي وشرحت له الأمر قال يا أخي العزيز إن استطعت الذهاب إلى فرنسا فهناك طبيب فرنسي شهير وذو علم وخبرة فسأرسلك إليه مثل سائر المرضى لديّ بعد تزويده بكافة الصور والتقارير وأنا من سيرتب ذلك لك، حينها كانت ظروفي لا تسمح لي الذهاب خارج المملكة، بعد أسبوع فكرت وعدت إلى الدكتور علي وقلت يا دكتور أنا أريد الدكتور عثمان الطويرقي وقال سأحاول التواصل معه، وبالفعل تواصل معه وذهبت إليه، وبعد عناء طويل من الزيارات والمراجعات وطلبات الصور وووإلخ كل ذلك في سبعة أشهر تقريباً، وتم ترتيب الإجازة المرضية من قبل العمل وتم تحديد موعد العملية وهي كانت بداية شهر ديسمبر عام 2015 مضى لي منذ انتهاء العملية أسبوعين. طبعاً عملتها في مستشفى البرج التخصصي بالرياض، حقيقة مابعد العملية كان أول يومين متعبة نفسياً بالنسبة إلي، إحساس بالملل وشعور بالاكتئاب وآلام شديدة ولكن كانت عناية الممرضات جيدة يضعن المسكن ومضاد التقيؤ مع المغذي مما ساعدني في الاستقرار إلى حدٍ ما، بدأت التورمات ببداية اليوم الثالث بعد العملية في منطقة الشنب والشفتين والذقن والخدين ، والأسنان أُغلقت لمدة 15 يوم، ولدي زيارات للدكتور عثمان لكي تعمل لي ممرضته تنظيف للفم والأسنان، من ناحية الغذاء فقد كان أول أسبوعين سوائل (عصائر وألبان وحليب وماء وشوربات بجميع أنواعها ودانيت بالشكولاتة) والمشروبات تكون عن طريق المزّاز والشوربات عن طريق الملعقة وسأبدأ بإذن الله في أكل السليق والمواد الشبيهة له من حيث الليونة في الأيام القادمة القريبة.

 هذا ما لدي وأسأل الله أن يفرج هم كل من ضاق صدره بسبب رغبته في إجراء تلك العملية وأن يسهل أمر علاج حالته، ونصيحتي لكل من يرغب بها أن يبدأ بطريقة سليمة وهي معرفة المشكلة أولاً وثانياً الذهاب لطبيب تقويم شهير وعدم الإكتفاء بتشخيص طبيب واحد، بل تكرار الزيارات لأكثر من طبيب وذلك للتأكد والمقارنة وستعرف حينها ماهو التشخيص الصحيح وماهي المشكلة، بعد ذلك ستكون بدايتك صحيحة ويسهل العلاج بإذن الله، طبعاً عمليتي كانت تقديم للفك العلوي 2 مل وإنزال الفك العلوي 4 مل وتصغير منطقة الذقن قليلاً وتكلفة العملية خمسين ألف ريال وتكلفة  المستشفى 13 ألف تقريباً، الأنف عندي صار أجمل من قبل قد تستغربون والسبب ولله الحمد وماشاء الله أن الفك العلوي حينما تم تقديمه فتحات الأنف تصغر وعند إنزال الفك العلوي يصبح الأنف واقفاً فكان علاج حالتي من حسن حظي. ومن ناحية التقويم لم يطلب مني شيئاً إضافي الدكتور علي ولكن أصريت ان أتفق معه على سعر معين لتقويم ما بعد الجراحة وهو خمسة أشهر كما قال لي علماً أن السعر السابق المتفق عليه هو خمسة عشر ألف ريال. وصلى الله وسلم على نبينا محمد وعلى آله وصحبه أجمعين.

 

للتواصل مع صاحب التجربة على حسابه التالي في تطبيق ال Kik:

@rxxk

 

 وسلامتكم ياحلوين اتمنى انكم استمتعتوا واستفدتوا منها .. عن نفسي مرررره تحمست كل التجارب إيجابية ماشاء الله وتشججججع كثيييير

عقبال ماننبسط بأحلى النتائج يارب
^_^